BARSELONADA SU İDMANI NÖVLƏRİ ÜZRƏ DÜNYA ÇEMPİONATI BAŞLANIR
İyulun 13-də İspaniyanın Barselona şəhərində su idmanı növləri üzrə növbəti, onuncu dünya çempionatı başlanır. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, yarışlarda ölkəmizi 3 idmançı təmsil edəcəkdir. İdman ustası Natalya Filina bras üsulu ilə 50, 100, 200 metr, idman ustalığına namizəd Sergey Dyaçkov 200, 400 metr, birinci dərəcəli idmançı Orxan Səmədov isə sərbəst üsulla 50, 100 metr məsafələrdə yarışacaqlar. Üzgüçülərimiz yaxşı nəticələr göstərsələr, gələn il Afinada keçiriləcək Olimpiya oyunlarına lisenziya qazana bilərlər.
Bölmənin digər xəbərləri
