Baş məşqçi: Dünya çempionatında komanda hesabında birinci olmağımız üçün beş xalımız çatmadı
Bakı, 3 avqust, AZƏRTAC
Yarışda idmançılarımız gərgin mübarizə apardı.
AZƏRTAC xəbər verir ki, bu barədə yunan-Roma güləşi üzrə on yeddi yaşlı idmançılarından ibarət Azərbaycan yığmasının baş məşqçisi Taleh İsrafilov Heydər Əliyev Beynəlxalq Aeroportunda idmançıların qarşılanma mərasimində jurnalistlərə açıqlamasında bildirib.
Baş məşqçi çempionat haqqında deyib: “İstanbulda təşkil olunan güləş üzrə U-17 dünya çempionatı çox mütəşəkkil formada təşkil olunmuşdu. Ümumilikdə mundialda 60 ölkədən 600 nəfər idmançı iştirak edirdi. Azərbaycan komandası yarışda çox yaxşı çıxış etdi. Yığmamızın səviyyəsindən razı qaldım. Yarışda komanda hesabında birinci olmağımız üçün beş xalımız çatmadı”, - deyə baş məşqçi əlavə edib.
Qeyd edək ki, yarışda 5 medal qazanan millimiz 108 xal toplayaraq komanda hesabında dünya ikincisi olub. İran (113) birinci, Gürcüstan (96) isə üçüncü yeri tutub.
Bölmənin digər xəbərləri
