“Başakşəhər”in hücumçusu İsrail klubuna icarəyə verilib
Bakı, 2 fevral, AZƏRTAC
İstanbulun “Başakşəhər” futbol klubu hücumçusu Kərim Freyi icarəyə verib.
AZƏRTAC klubun saytına istinadla xəbər verir ki, 25 yaşlı avstriyalı hücumçu İsrailin cari mövsümün sonunadək icarə əsasında “Makkabi Hayfa”da çıxış edəcək.
Frey karyerasına İngiltərənin “Fulhem” klubunda başlayıb. O, İngiltərənin “Kardif Siti”, “Biriminqam Siti” və Türkiyənin “Beşiktaş” klublarının da heyətində forma geyinib.
Qeyd edək ki, hücumçu cari mövsümdə İstanbul təmsilçisinin heyətində iştirak etdiyi 12 oyunda 1 dəfə fərqlənib.
Bölmənin digər xəbərləri
