BDU-da Süni intellekt etikası üzrə birinci Gənclər Forumu keçiriləcək
Bakı, 6 avqust, AZƏRTAC
Azərbaycan Respublikasının Gənclər və İdman Nazirliyi, Bakı Dövlət Universiteti, İqtisadiyyat Nazirliyinin tabeliyində Dördüncü Sənaye İnqilabının Təhlili və Koordinasiya Mərkəzi - 4SİM, Dünya Azərbaycanlıları Gənclər Təşkilatı və Süni İntellekt Azərbaycan Platformasının birgə təşkilatçılığı ilə ilk dəfə olaraq Süni intellekt etikası üzrə birinci Gənclər Forumu keçiriləcək.
Bu barədə AZƏRTAC-a BDU-dan bildirilib. Qeyd olunub ki, BDU-da təşkil ediləcək forumda süni intellektin etik tərəfləri ilə bağlı müzakirələr aparılacaq, tanınmış ekspertlər çıxış edəcək və interaktiv panel sessiyalar keçiriləcək.
Forumda iştirak üçün avqustun 30-dək müraciət etmək olar.
Qeyd edək ki, forum Azərbaycan Respublikasının Prezidenti cənab İlham Əliyevin 2025-ci il 19 mart tarixli Sərəncamı ilə təsdiq edilmiş “Azərbaycan Respublikasının 2025–2028-ci illər üçün süni intellekt Strategiyası”nın müvafiq bəndlərinə əsasən həyata keçirilir.
Bölmənin digər xəbərləri
