BDU məzunları müəllimlərin işə qəbulunda birincidir
Bakı, 15 iyul, AZƏRTAC
Bakı Dövlət Universitetinin (BDU) məzunları müəllimlərin işə qəbulu (MİQ) imtahanlarında bu il də yüksək nəticə göstəriblər. BDU-nun Mexanika-riyaziyyat fakültəsinin məzunları Natəvan Zamanova və Aynur Ağahüseynova 56 bal toplayaraq ölkə birincisi olublar.
Bu barədə AZƏRTAC-a BDU-dan məlumat verilib.
Qeyd edək ki, namizədlərə 90 dəqiqə müddətində ixtisasa dair 40, təlim strategiyaları və metodikaya dair 20 test tapşırığı olmaqla ümumilikdə 60 sual təqdim olunur. İmtahan keçirilən bütün regional mərkəzlərdə bu müddət başa çatdıqdan sonra namizədlərə 10 dəqiqə ərzində səhv cavablandırdığı sualları görmək imkanı yaradılır.
Bölmənin digər xəbərləri
