BDU-nun 348 tələbəsi WUF13-də könüllü kimi fəaliyyət göstərir
Bakı, 20 may, AZƏRTAC
Bakı Dövlət Universitetinin (BDU) 348 tələbəsi Ümumdünya Şəhərsalma Forumunun 13-cü Sessiyasında (WUF13) könüllü kimi iştirak edir.
Bu barədə AZƏRTAC-a BDU-dan məlumat verilib. WUF13-ün Azərbaycanda keçirilməsi gənc fəallar üçün qlobal şəhərsalma və dayanıqlı urbanizasiya siyasətinə töhfə vermək baxımından mühüm platformadır. BDU tələbələrinin bu sahədə aktivliyi milli təəssübkeşlik nümunəsi olmaqla yanaşı, şəhərsalma və urban inkişaf siyasətinə böyük dəstəkdir. BDU tələbələri dayanıqlı şəhər mühitinin formalaşdırılması, müasir urbanizasiya prinsipləri və şəhər infrastrukturunun inkişafı ideyalarını təbliğ edir, nümayəndə heyətlərinə dəstək göstərir və forumun uğurla təşkilinə öz töhfələrini verirlər.
Qeyd edək ki, WUF13-də ümumilikdə 2500 könüllü fəaliyyət göstərir.
Bölmənin digər xəbərləri
