BƏƏ ötən il Rusiyaya turist axını edən ölkələr sırasında üçüncü yerdədir
Moskva, 7 fevral, AZƏRTAC
2024-cü ildə Birləşmiş Ərəb Əmirliklərindən (BƏƏ) Rusiyaya 65,3 min nəfər gəlib. BƏƏ turistlərin sayına görə Çin və Almaniyadan sonra üçüncü ölkə olub.
AZƏRTAC xəbər verir ki, bu barədə Rusiya Turizm Operatorları Assosiasiyası (ATOR) məlumat yayıb.
Ümumilikdə, bir il ərzində Rusiyaya səfər edən əcnəbilərin sayı 1 571 948 nəfərə çatıb ki, bu da 2023-cü illə müqayisədə 134,4 faiz çoxdur. Bununla belə, bu rəqəm hələ də pandemiyadan əvvəlki 2019 səviyyəsindən 3,22 dəfə aşağıdır.
Turist axınının əsas hissəsini Çin vətəndaşları təşkil edib - 848 min səfər (ümumi sayın təxminən 54 faizi). İkinci yerdə Almaniyadır - 65,8 min nəfər.
Çindən turist axınının artması mütəşəkkil turistlər üçün vizasız mübadilənin bərpası və elektron vizaların tətbiqi ilə bağlıdır. 2024-cü ildə Çindən 550 mindən çox turist turizm operatorlarının vizasız qrup siyahıları ilə Rusiyaya gəlib.
Səudiyyə Ərəbistanı (55,2 min turist, pandemiyadan əvvəlki rəqəmlərdən 13 dəfə çox) və İran (49,6 min səfər, 2023-cü illə müqayisədə 68,1 faiz artım) da əhəmiyyətli artım nümayiş etdirib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
