BƏHRƏMTƏPƏ-BİLƏSUVAR AVTOMOBİL YOLUNDA NƏQLİYYAT VASİTƏLƏRİNİN HƏRƏKƏTİNƏ MƏHDUDİYYƏT QOYULUR
Bakı, 31 may (AZƏRTAC). Nəqliyyat Nazirliyindən bildirmişlər ki, Araz çayının yeni qolunun açılması ilə əlaqədar olaraq Bəhrəmtəpə-Biləsuvar avtomobil yolunun 4-cü kilometrliyində müvafiq işlər görülməsi səbəbindən həmin istiqamətdə mayın 31-dən etibarən yeni tikilmiş körpü üzərindən avtomobillərin hərəkətinə məhdudiyyət qoyulur.
Minik avtomobilləri və kiçiktutumlu sərnişin avtobusları istisna olmaqla, digər nəqliyyat vasitələrinin bu istiqamətdə hərəkəti qadağan edilir. Vətəndaşlardan alternativ yol kimi Ələt-Hacıqabul-Bəhrəmtəpə və əks istiqamətdə hərəkət etmələri xahiş olunur. Ağır yük maşınları isə Beyləqan və Salyan istiqamətində hərəkət edə bilərlər.
Bölmənin digər xəbərləri
