BELARUS QƏZETİNƏ QARŞI CİNAYƏT İŞİ QALDIRILMIŞDIR
Cinayət işi Belarus Dinlər və Millətlər İşləri Komitəsinin və müsəlman icmalarının hüquq mühafizə orqanlarına müraciətindən sonra respublika prokurorluğu və DTK tərəfindən aparılmış yoxlamanın nəticələrinə əsasən qaldırılmışdır.
Belarus Müsəlmanlar Birliyinin rəhbəri müfti Əbu-Bəkir Şabanoviç nəinki qəzeti dindarların hisslərini təhqir etməkdə təqsirləndirmiş, həm də karikaturaların dərc olunmasını prezident seçkiləri ərəfəsində siyasi fitnəkarlıq adlandırmışdır. Onun sözlərinə görə, müasir Belarus ərazisində 600 ildir yaşayan müsəlmanların dini hissləri hələ heç vaxt indiki kimi təhqir edilməmişdir.
Müfti bildirmişdir ki, “Zqoda” qəzetinin bu fitnəkarlığını onun söhbət etdiyi pravoslavlar, katoliklər, lüteranlar, yəhudilər də hiddətlə pisləyirlər.
Bölmənin digər xəbərləri
