Belçika millisinin sabiq futbolçusu həbs edilib
Bakı, 27 yanvar, AZƏRTAC
Belçika millisinin və "İnter" klubunun sabiq futbolçusu Radja Nainqqolan narkotik qaçaqmalçılığında şübhəli bilinərək həbs edilib.
AZƏRTAC xarici mətbuata istinadən xəbər verir ki, 36 yaşlı yarımmüdafiəçi Antverpen limanı vasitəsilə Cənubi Amerikadan kokain keçirməkdə ittiham olunur.
Bu səbəbdən futbolçunun həbs olunduğu və hazırda dinləmələrin davam etdiyi bildirilib.
Qeyd edək ki, R.Nainqqolan 2021-ci ildə "İnter"lə İtaliya çempionu olub. O, Seriya A təmsilçisi “Roma”da da çıxış edib. Futbolçu yanvarın 24-də ölkəsinin “Lokeren-Temse” klubunda debüt edib.
Bölmənin digər xəbərləri
