BERLİNDƏ “MUZEYLƏRİN UZUN GECƏLƏRİ” DEVİZİ ALTINDA AÇIQ QAPI GÜNÜ KEÇİRİLMİŞDİR
AZƏRTAC-ın xüsusi müxbiri xəbər verir ki, həmin gün paytaxtın 80-dən artıq muzey və mədəniyyət mərkəzinin qapıları səhər saat 9-dan gecə saat 2-ə qədər minlərlə tamaşaçı üçün açıq olmuşdur. Qiyməti 12 avro olan xüsusi giriş biletinin sahibləri sutka ərzində paytaxtın bütün muzeylərinə və mədəniyyət ocaqlarına getmək hüququ əldə etmişlər. Muzeylər və mədəniyyət ocaqları arasında sərnişin daşımaları biletin qiyməti hesabına pulsuz yerinə yetirilmiş, 12 yaşa qədər uşaqlar üçün isə hər şey pulsuz idi.
Bölmənin digər xəbərləri
