Berlinin qaçqınlara münasibətdə siyasəti sərtləşə bilər
Berlin, 2 may, AZƏRTAC
2022-ci ildə AFR-ə iki milyondan çox qaçqın gəlib. Həmin il statistika xidmətlərinin dəyərləndirməsinə görə, miqrasiya üzrə rekord il olub. Bununla yanaşı, qaçqın statusu üçün müraciət edənlərin əksəriyyəti Ukraynadandır.
Həmçinin status almaq üçün Suriya, Əfqanıstan və Şimali Afrika ölkələrindən də müraciət edənlərin sayı artıb. 2022-ci ildə onların sayı hətta 2016-cı ildəkindən çox olub.
AZƏRTAC xəbər verir ki, cari ilin birinci rübündə Almaniya polisi ölkəyə 19627 məhz icazə verilməyən giriş faktı müəyyən edib. Əgər qeyri-leqal miqrasiya aradan qaldırılmazsa, o halda yerli əhalinin miqrasiyaya və inteqrasiyaya münasibəti də radikallaşdırılacaq.
Cari ilin birinci rübündə sığınacaq üçün ilk dəfə olaraq 80978 nəfər müraciət edib. Bu göstərici ötən ilin analoji dövrü ilə müqayisədə 80 faiz çoxdur. Müraciət edənlərin cəmi 5817-si bir yaşınadək olan körpələrdir.
Bundan başqa, federal hökumətin və əcnəbilərin mərkəzi reyestrinin məlumatına görə, cari il martın 31-dək ölkəyə Ukraynada müharibə ilə əlaqədar 81647 nəfər gəlib. Bununla yanaşı, bələdiyyələr yüklənib və federal hökumətdən dəstək üçün daha çox vəsait istəyirlər.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
