BƏYİ KƏNDİNDƏ MƏKTƏB BİNASININ AÇILIŞI OLMUŞDUR

13.12.2005 [17:59]
Çap et
A⁺ A^-

AZƏRTAC xəbər verir ki, Heydər Əliyev Fondunun təşəbbüsü ilə Kürdəmir rayonunun Bəyi kəndində 200 şagird yeri olan yeni məktəb binası tikilib istifadəyə verilmişdir. Müasir standartlara cavab verən, şagirdlərin təlim-tərbiyəsi, fiziki hazırlığı üçün hər cür şərait yaradılmış və lazımi avadanlıqla təchiz edilmiş məktəb Heydər Əliyev Fondunun “Yeniləşən Azərbaycana yeni məktəb” proqramı çərçivəsində bu il Kürdəmir rayonunda tikilən üçüncü təhsil ocağıdır.

Açılış mərasimində çıxış edənlər YUNESKO-nun xoşməramlı səfiri, Heydər Əliyev Fondunun prezidenti, Milli Məclisin deputatı Mehriban xanım Əliyevaya dərin minnətdarlıqlarını bildirmişlər.

Ümumilikdə, bu il rayonda yeni təhsil ocaqlarının inşası, məktəblərin maddi-texniki bazasının möhkəmləndirilməsi sahəsində xeyli iş görülmüşdür. Belə ki, dövlət vəsaiti hesabına 1 saylı şəhər orta məktəbi üçün 300 yerlik, Mollakənddə 200 yerlik, Yenikənddə 120 yerlik, “Azəriqaz” QSC-nin vəsaiti ilə Quşlar kəndində 120 yerlik məktəb binaları inşa edilmişdir.

BƏYİ KƏNDİNDƏ MƏKTƏB BİNASININ AÇILIŞI OLMUŞDUR

MÜƏLLİFLƏ ƏLAQƏ

Bölmənin digər xəbərləri