Beynəlxalq axtarışda olan şəxs İrandan Azərbaycana gətiriləcək
Bakı, 23 oktyabr, AZƏRTAC
“Azərbaycan Respublikası ilə İran İslam Respublikası arasında təslim etmə haqqında” 1998-ci il 21 fevral tarixli Müqavilənin tələblərinə uyğun olaraq, Azərbaycan vətəndaşı Ülvi Rafik oğlu Hüseynovun ekstradisiyası haqqında Baş Prokurorluğun vəsatəti İranın səlahiyyətli orqanları tərəfindən təmin edilib.
Baş Prokurorluğun mətbuat xidmətindən AZƏRTAC-a bildirilib ki, Ülvi Hüseynovun oğurluq cinayət əməli törətməsinə əsaslı şübhələr müəyyənləşdirildiyindən barəsində təqsirləndirilən şəxs qismində cəlbetmə haqqında qərar qəbul olunmaqla istintaqdan qaçıb gizləndiyinə görə beynəlxalq axtarışa elan edilib.
Təqsirləndirilən şəxsin ölkəmizə gətirilməsi məqsədilə Ədliyyə Nazirliyinin Penitensiar xidməti tərəfindən zəruri tədbirlər görülür.
Bölmənin digər xəbərləri
