Binəqədi rayonunda soyğunçuluq törətməkdə şübhəli bilinən şəxs saxlanılıb
Bakı, 4 dekabr, AZƏRTAC
Binəqədi rayonu ərazisində paytaxt sakini F.Tağıyevaya qarşı soyğunçuluq törətməkdə şübhəli bilinən şəxs tutularaq məsuliyyətə cəlb olunub.
Daxili İşlər Nazirliyinin mətbuat xidmətindən AZƏRTAC-a bildiriblər ki, rayon ərazisində Bakı şəhər sakini F.Tağıyevanın içərisində pulu və mobil telefonu olan çantasını alıb qaçan rayon mühafizə idarəsi əməkdaşlarının çevikliyi və operativliyi nəticəsində saxlanılaraq 5-ci polis bölməsinə təhvil verilib.
Soyğunçuluğu törətməkdə şübhəli bilinən şəxsin Bakı şəhər sakini, əvvəllər məhkum olunmuş N.Fərəməzov olması müəyyən edilib.
Hadisə ilə bağlı araşdırma aparılır.
Bölmənin digər xəbərləri
