BİR SIRA ÇAYLARDA DAŞQINLAR OLMUŞDUR
Bakı, 27 aprel (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, aprel ayının 23-də gün ərzində, 23-dən 24-nə keçən gecə və səhər yağan leysan yağışları nəticəsində Böyük Qafqazın Balakən-Şəki, Oğuz-Qəbələ bölgəsinin Şinçay, Kişçay, Talaçay, Balakənçay, Baş Daşağılçay, Dəhnəçay, Küngütçay, Dəmiraparançay, Türyançay, Bumçay çaylarından qısamüddətli daşqınlar olmuşdur.
Balakən-Şəki bölgəsindəki çaylarda sululuğun artması ilə əlaqədar və Gürcüstan ərazisində Qanıx və Kür çayının hövzələrinə yağan leysan yağışları nəticəsində Qanıx çayının Əyriçay məntəqəsində suyun səviyyəsi 95 santimetr artaraq su sərfi 399 kubmetr/saniyə (ongünlük normanın 224 faizi), Kür çayının Qıraqkəsəmən məntəqəsində isə 61 santimetr artaraq su sərfi 1000 kubmetr/saniyə (ongünlük normanın 140 faizi) təşkil etmişdir.
Lənkəran-Astara bölgəsinin bir sıra çaylarında suyun səviyyəsinin 64-92 santimetr artımı qeydə alınmışdır.
Bölmənin digər xəbərləri
