Birinci MDB Oyunları: Azərbaycan idmançıları daha 5 medal qazanıblar
Bakı, 4 sentyabr, AZƏRTAC
Azərbaycan idmançıları Rusiyanın Kazan şəhərində keçirilən birinci MDB Oyunlarında daha 5 medal qazanıblar.
AZƏRTAC xəbər verir ki, ötən gün yarımfinaldakı ilk görüşlərində məğlub olan qadın boksçularımız Aysu İsmayılova (48 kq), İsgəndər Qızbəs (57 kq) və Emili Rzayevanın (63 kq) bürünc medal qazanması rəsmiləşib.
Bu gün yarımfinalda uduzan kişi boksçular Tağı Nəsibov (48 kq) və İbrahim Zeynalov (50 kq) da bürünc medala sahib olublar.
Qeyd edək ki, Azərbaycanın aktivində 3 qızıl, 1 gümüş və 7 bürünc medal var.
Bölmənin digər xəbərləri
