BİRLƏŞMİŞ ƏRƏB ƏMİRLİKLƏRİNDƏ HEYVANLAR ÜÇÜN MEHMANXANA AÇILACAQ

19.09.2006 [19:53]
Çap et
A⁺ A^-

AZƏRTAC xarici KİV-lərə istinadla xəbər verir ki, 2007-ci ilin əvvəlində Birləşmiş Ərəb Əmirliklərində heyvanlar üçün beşulduzlu mehmanxana ilk müştərilərini qəbul edəcəkdir. Üç hissədən ibarət mehmanxananın sahəsi 1800 kvadratmetrdir. Birinci hissə pişiklər üçündür və onları yerləşdirərkən hərəsinin cinsi, ölçüləri, qidalanma və gəzinti rejimi nəzərə alınacaqdır. Mehmanxananın ikinci hissəsində yerləşdiriləcək itlərə də bu prinsiplə xidmət göstəriləcəkdir.

Mehmanxananın xüsusiyyəti ondadır ki, varlı müştərilərin itlərinin pullu yaşaması ilə bərabər, sahibsiz və baxımsız itlər üçün də nömrələr təşkil olunacaqdır və təlim keçmiş işçi heyət lazım gələrsə, itləri müalicə edəcək, yedizdirəcək və onlara daimi sahiblər axtaracaqdır. Sığınacağın funksiyası heyvanların müdafiəsinə dair mehmanxananın gerçəkləşdirdiyi yeganə proqram deyildir. Mehmanxananın üçüncü bölməsi də bu məqsədə xidmət edir. Bölmə məktəb ekskursiyalarının keçirilməsi və tematik mühazirələr üçün xüsusi avadanlıqla təchiz olunmuşdur.

BİRLƏŞMİŞ ƏRƏB ƏMİRLİKLƏRİNDƏ HEYVANLAR ÜÇÜN MEHMANXANA AÇILACAQ

MÜƏLLİFLƏ ƏLAQƏ

Bölmənin digər xəbərləri