“Blackpink” qrupu “YouTube” hostinqində izləmə sayına görə rekorda imza atıb
Bakı, 18 aprel, AZƏRTAC
Cənubi Koreyanın “Blackpink” pop-qrupunun kanalı musiqi qrupları arasında “YouTube” hostinqində ən çox izlənən səhifə olub.
AZƏRTAC Yonhap agentliyinə istinadla xəbər verir ki, “Blackpink” pop-qrupu bu nailiyyətinə görə Ginnessin rekordlar kitabına düşüb. Musiqi qrupunun kanalında videolara baxış sayı 30 milyardı, abunəçilərin sayı isə 86,9 milyonu ötüb.
2016-cı ildə qurulan “Blackpink” pop-qrupu dörd qadın müğənnidən ibarətdir. Onlar “Spotify” striminq servisində ən populyar qadın kollektivi, həmçinin Böyük Britaniya və ABŞ-də ən populyar albomlar arasında ilk yeri tutan ilk K-pop qrupu kimi Ginnessin rekordlar kitabına daxil olub.
Bölmənin digər xəbərləri
