Boksçumuz Avropa birinciliyində yarımfinala yüksəlib
Bakı, 19 aprel, AZƏRTAC
Azərbaycan idmançısı Kənan Babayev Bolqarıstanın paytaxtı Sofiyada gənc boksçular arasında keçirilən Avropa birinciliyində növbəti döyüşünü keçirib.
AZƏRTAC xəbər verir ki, ölkə çempionu dörddəbir finalda Gürcüstanı təmsil edən Oruc Əhmədovla qarşılaşıb. İlk görüşündə türkiyəli Telet Yağlını mübarizədən kənarlaşdıran boksçumuz ikinci döyüşünü də aktivinə yazıb. Birincilikdə 48 kiloqram çəki dərəcəsində qüvvəsini sınayan K.Babayev rəqibinə 5:0 (29:28, 30:27, 29:28, 29:28, 29:28) hesabı ilə qalib gəlib.
Təmsilçimiz bu qələbə sayəsində yarımfinala yüksəlməklə yanaşı, özü üçün ən azı bürünc medalı da təmin edib. O, aprelin 20-də təşkil olunacaq yarımfinal görüşündə irlandiyalı Tedi Coysla münasibətinə aydınlıq gətirəcək.
Qeyd edək ki, yarışda daha 2 boksçumuz dörddəbir final döyüşünə çıxacaq.
Bölmənin digər xəbərləri
