Bolqarıstanın televiziya kanallarında “Xocalıya ədalət” video klipi bir neçə dəfə nümayiş etdirilmişdir
Bakı, 10 mart (AZƏRTAC). İslam Konfransı Gənclər Forumunun mədəniyyətlərarası dialoq üzrə baş əlaqələndiricisi, Heydər Əliyev Fondunun vitse-prezidenti Leyla xanım Əliyevanın təşəbbüsü ilə irəli sürülmüş “Xocalıya ədalət” kampaniyası çərçivəsində Azərbaycanın Bolqarıstandakı səfirliyinin vasitəçiliyi ilə son on gün ərzində Bolqarıstanın çox izlənən “M-SAT” və “Kanal-3” televiziya kanallarında rep üslublu “Xocalıya ədalət” video klipi bir neçə dəfə nümayiş etdirilmişdir.
Səfirlikdən AZƏRTAC-a bildirmişlər ki, televiziya kanallarında, həmçinin Xocalı faciəsi, Ermənistanın Azərbaycana qarşı işğalçılıq siyasəti və öz doğma yurdundan didərgin düşmüş bir milyondan artıq azərbaycanlı qaçqın və məcburi köçkün haqqında da bolqar dilində ətraflı məlumat verilmişdir.
Bölmənin digər xəbərləri
