“Borçalıdan Şuşaya gedən yol” kitabının ikinci hissəsi çap olunub
Bakı, 28 sentyabr, AZƏRTAC
Əməkdar mədəniyyət işçisi Musa Nəbioğlunun yeni kitabı işıq üzü görüb.
AZƏRTAC xəbər verir ki, “Borçalıdan Şuşaya gedən yol” (II kitab) adlı bu kitab 2020-ci ilin payızında Azərbaycan Respublikasının ərazi bütövlüyünün bərpası uğrunda gedən 44 günlük müharibədə şərəflə vuruşaraq şəhid və qazi olmuş Borçalı əsilli soydaşlarımızdan bəhs edən eyniadlı kitabın ikinci hissəsidir.
Kitabda əsasən Birinci Qarabağ müharibəsində iştirak edərək şəhidlik zirvəsinə ucalan, döyüşlərdə itgin düşən Borçalı əsilli cəsur döyüşçülərdən və bu gün müharibə veteranı kimi şərəfli bir ad daşıyanlardan söhbət açılır. Burada, eyni zamanda, 44 günlük müharibənin iştirakçısı olmuş və müəyyən səbəblərdən birinci kitabda barələrində məlumat verilməyənlərə də yer ayrılıb. Kitabda haqqında söhbət açılanlardan üç nəfər Azərbaycanın Milli Qəhrəmanı, 40 nəfər isə şəhidlik zirvəsinə ucalanlardır.
Kitabın redaktoru polkovnik Elşad Həsənov, məsləhətçi isə polkovnik Telman Budaqovdur.
Bölmənin digər xəbərləri
