Bosniya və Herseqovina futbol millisinin qapıçısı Azərbaycana dəstək nümayiş etdirib
Bakı, 2 oktyabr, AZƏRTAC
Bosniya və Herseqovina futbol millisinin üzvü İbrahim Şehiç Azərbaycan Ordusuna dəstək nümayiş etdirib.
AZƏRTAC xəbər verir ki, qapıçı “Facebook” hesabında “Əziz dostlarım üçün dua edirəm. Qarabağ Azərbaycandır!”, - şərhini paylaşıb. Bununla da, İ.Şehiç Ermənistanla Azərbaycan arasında hazırda müharibə getdiyini və açıq şəkildə azərbaycanlıların tərəfində olduğunu bildirib.
İ.Şehiç 2013-2018-ci illərdə Azərbaycanın Ağdam şəhərinin futbol klubu olan “Qarabağ”ın oyunçusu olub.
1993-cü ildə Dağlıq Qarabağ bölgəsindəki müharibə zamanı çoxlarının indi "Qafqazın Xirosiması" adlandırdığı şəhərin tamamilə məhv edilməsi səbəbindən futbol klubu Bakıya köçmək məcburiyyətində qalıb.
Bölmənin digər xəbərləri
