Böyük Britaniyada koronavirusa yoluxma sayı artıb
London, 30 iyun, AZƏRTAC
Böyük Britaniyada koronavirusa yoluxmada artım baş verib.
AZƏRTAC xəbər verir ki, son rəqəmlərə görə, 20 min 479 nəfər koronavirusa yoluxub, 23 nəfər isə həyatını itirib. 35 mindən çox insanda isə koronavirusun təhlükəli ştamı olan “delta” variantına rast gəlinib.
Yoluxma artan bölgələrdə 375 mindən çox şagird evdən təhsil sisteminə yönləndirilib.
Bununla bərabər Krallıqda 44 milyon nəfərə koronavirusun 1-ci dozası, 32 milyon nəfərə isə 2-ci dozası vurulub.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
