Böyük Britaniyada koronavirusdan ölənlərin sayı 108 min nəfəri ötüb
London, 4 fevral, AZƏRTAC
Böyük Britaniyada koronavirusdan həyatını itirənlərin sayı 108 min nəfəri, virusa yoluxanların sayı isə 3 milyon nəfəri ötüb.
AZƏRTAC xəbər verir ki, Krallıqda virusa yoluxmada artım müşahidə olunsa da, bu günə qədər 9,6 milyon insana peyvəndin ilk dozası vurulub.
Həmçinin Oksford Universitetində aparılan araşdırmalara görə, “Oksford-AstraZeneca” peyvəndi yalnız insanları xəstəliklərdən qorumur, eyni zamanda, virusun yayılma sürətini də yavaşladır.
Universitet tərəfindən 17 min nəfər üzərində aparılan sınaqlar zamanı hər iki doza verilən insanlarda müsbət COVID-19 testlərinin nisbətinin yarıbayarı azaldığı öyrənilib.
Qeyd edək ki, Böyük Britaniyada “Pfizer / BioNTech”, “Oksford Universiteti və AstraZeneca” və “Moderna” peyvəndləri qeydiyyatdan keçib. “Johnson & Johnson” və “Valneva” peyvəndlərinin isə təsdiqlənməsi gözlənilir.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
