bp Xəzərin ekologiyası məsələlərinə diqqətlə yanaşır
Bakı, 20 noyabr, Əziz Məmmədov, AZƏRTAC
Unikal təbii obyekt olan Xəzər dənizinin ekoloji sağlamlığının qoruyub saxlanılması son illərin ən aktual probleminə çevrilib. Xəzər nadir su hövzəsidir. Onun karbohidrogen ehtiyatlarının və bioloji sərvətinin dünyada analoqu yoxdur.
“bp-Azerbaijan” şirkətinin ictimaiyyətlə əlaqələr şöbəsinin rəhbəri Tamam Bayatlı AZƏRTAC-a eksklüziv müsahibəsində bildirib ki, Britaniya şirkəti Xəzər dənizinin ekologiyası ilə bağlı mümkün riskləri minimuma endirmək niyyətindədir. T.Bayatlı deyib: “Xəzərin ekologiyasının mühafizəsi strategiyasını hazırlayan zaman bp bu su hövzəsinin unikallığını əsas götürüb. Şirkət bununla bağlı bütün riskləri öyrənir ki, onları minimuma endirə bilsin. Neft hasilatı zamanı biz dənizin flora və faunasının qorunub saxlanılması məsələlərini nəzərə alırıq. Hər dəfə dünyanın hər hansı nöqtəsində bizim istehsalatda baş verən qəzalar haqqında eşidəndə müəyyən nəticə çıxarır və strategiyamızı təkmilləşdiririk. Biz bu istiqamətdə əlimizdən gələni edirik: qabaqcıl texnologiya alır, heyəti öyrədirik. Bundan əlavə, şirkət diqqətini Xəzərin nadir ekologiyasının qorunub saxlanılması, Azərbaycan təbiətinin və insanların sağlamlığının mühafizəsi üzərində cəmləşdirib”.
Bölmənin digər xəbərləri
