Braziliyalı idmançı dopinqə görə diskvalifikasiya edilib
Bakı, 13 avqust, AZƏRTAC
Peşəkar boks üzrə ağır çəkidə dünya çempionu olan braziliyalı Bruno Kapelloza cəzalandırılıb.
AZƏRTAC xarici mediaya istinadən xəbər verir ki, 35 yaşlı idmançı antidopinq qaydalarını pozduğu üçün bir il müddətinə diskvalifikasiya edilib.
Onun qanında istifadəsi qadağan olunmuş maddələr aşkar edilib. Bununla da B. Kapelloza artıq ikinci dəfədir ki, antidopinq testindən keçə bilmir. Ötən il boksçunun orqanizmində drostanolon metaboliti maddəsi tapılıb. Bu, onun 9 ay müddətinə diskvalifikasiya edilməsinə səbəb olub.
Bölmənin digər xəbərləri
