BRICS xarici işlər nazirləri Yaxın Şərq məsələsində ortaq məxrəcə gələ bilməyiblər
Bakı, 15 may, AZƏRTAC
BRICS xarici işlər nazirlərinin görüşündə Yaxın Şərqlə bağlı fikir ayrılıqları səbəbindən birgə bəyanat qəbul edilməyib.
AZƏRTAC xarici mediaya istinadla xəbər verir ki, dünyanın aparıcı inkişaf etməkdə olan iqtisadiyyatlarını təşkil edən BRICS ölkələrinin xarici işlər nazirləri Yaxın Şərqlə bağlı fikir ayrılıqları səbəbindən iki günlük görüşdən sonra birgə bəyanat imzalaya bilməyiblər.
Hindistanın Yeni Dehli şəhərində keçirilən görüşlə bağlı rəsmi açıqlamada BRICS üzvlərinin suverenlik, dəniz təhlükəsizliyi, mülki infrastruktur və Yaxın Şərqdə böhranla bağlı məsələləri müzakirə etdikləri bildirilib.
Bəyanatda qeyd olunur ki, üzvlər arasında bu məsələlərdə fikir ayrılıqları olduğuna görə birgə bəyannamə imzalanmayıb.
Bundan əlavə, Qəzza, Qırmızı dəniz və Bab əl-Məndəb boğazındakı təhlükəsizlik məsələləri ilə bağlı layihə mətninin müəyyən hissələrinə dair BRICS-in bir üzvünün tərəddüd etdiyi qeyd olunub.
Bölmənin digər xəbərləri
