Britaniya 2035-ci ilə qədər ÜDM-in 5 faizini müdafiəyə xərcləyəcək
London, 24 iyun, AZƏRTAC
Böyük Britaniyanın Baş naziri Kir Starmer 2035-ci ilə qədər ölkənin müdafiə və milli təhlükəsizlik sahələrinə ÜDM-in 5 faizi həcmində vəsait ayıracağını bəyan edib.
AZƏRTAC “Independent”ə istinadla xəbər verir ki, bu açıqlama NATO-nun Haaqa sammiti ərəfəsində imzalanan yeni razılaşma fonunda verilib.
5 faizlik müdafiə xərci göstəricisi daha əvvəl ABŞ Prezidenti Donald Tramp tərəfindən tələb edilmişdi. O, Avropa ölkələrinin artıq ABŞ-ın müdafiə xərclərinə arxalanmamalı olduğunu bildirib.
Kir Starmer bildirib ki, 5 faizlik göstərici İkinci Dünya Müharibəsindən bəri Britaniyanın müdafiəyə ayırdığı ən yüksək ÜDM payı olacaq. Lakin Britaniya hökuməti hələlik 5 faizlik hədəfinin necə maliyyələşdiriləcəyinə dair konkret açıqlama verməyib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
