Britaniya Avropa İttifaqına 10 milyard funt sterlinq ayırıb
London, 2 dekabr, AZƏRTAC
Böyük Britaniya Aİ-dən ayrılmasına baxmayaraq Brüsselə milyardlarla funt sterlinq ödəməyə davam edir və bu məqsədlə Brexit sonrası ödəmələr üçün 10 milyard funt sterlinqdən çox vəsait ayırıb.
AZƏRTAC xəbər verir ki, hökumət Avropadan ayrılma prosesinin xərclərini qarşılamaq üçün Brüssel işçilərinin və diplomatlarının pensiyalarına, eləcə də Britaniyanın öncədən mövcud olan maliyyə öhdəliklərinə 10,6 milyard funt hesablayıb.
Hesablamalara görə, davam edən Aİ öhdəlikləri üçün ayrılan vəsait keçən il 31,7 milyard funt, ondan əvvəlki il isə 38,7 milyard funt sterlinq təşkil edib. Lakin bu rəqəm hələ də 10 milyard funtdan çoxdur və tənqidçilər bunu Britaniyanın “uğursuz bir Brexit razılaşması üçün hələ də böyük məbləğ ödəməsi” kimi dəyərləndirirlər.
Bu məlumat maliyyə naziri Reyçel Rivzinin təqdim etdiyi büdcədən sonra ortaya çıxıb. Yeni büdcə ilə ev təsərrüfatları və bizneslərə 40 milyard funt yeni vergilər əlavə edilib. Maliyyə naziri bunun Mühafizəkarlar Partiyasının yaratdığı dövlət maliyyəsi boşluğunu doldurmaq üçün vacib olduğunu iddia edir.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
