Britaniya hökuməti Bottiçellinin tablosunun ölkədən çıxarılmasını qadağan edib
Bakı, 12 may, AZƏRTAC
Böyük Britaniya hökuməti Sandro Bottiçellinin 10,2 milyon funt sterlinq (təxminən 13,5 milyon dollar) dəyərində olan “Bakirə Məryəm” tablosunun ölkədən çıxarılmasına qadağa qoyub.
AZƏRTAC xarici mediaya istinadla xəbər verir ki, Böyük Britaniya qalereyasına və ya hər hansı bir quruma rəsm əsərini əldə etmək üçün vaxt verən qadağa avqustun 8-də başa çatır. Əks halda, onu ölkə üçün saxlamaq məqsədilə yerli alıcı tapılmasa, rəsm əsəri Böyük Britaniyanı tərk etmək riski daşıyır. Mədəniyyət, Media və İdman Departamenti rəsmin tövsiyə olunan qiymətinin 9,960,000 funt sterlinq (təxminən 13,107,410 dollar) olduğunu bildirir.
XIX əsrin əvvəllərində rəsm Florensiyada San Culiyano monastırında olub və daha sonra yaxınlıqdakı bir kənddə ferma evinin yanındakı kiçik bir kilsəyə köçürülüb. Daha sonra, 1903-cü ilin noyabrında italyan tacir Elia Volpiyə satılan tablo Covanni Magherini Qrazianinin ailəsinə qismət olub.
Şayiələrə görə, Harriet Sara Cons Loyd əsəri 1904-cü ilin may ayında 5000 funta (təxminən 6600 dollar) satın alıb. 1944-cü ildən bəri Bottiçellinin tablosu Berkşirdəki “Betterton House” muzeyində saxlanılır.
Hökumətə məsləhət verən incəsənət və mədəni maraq obyektlərinin ixracına dair Komitənin üzvü Kristofer Beykerin sözlərinə görə, rəsm Bottiçellinin Florensiya karyerasının ən uğurlu əsəridir və onun Britaniyada qalması məqsədəuyğun olardı.
Bölmənin digər xəbərləri
