BRİTANİYALILAR ƏN QAÇIRILMAZ MAŞINLARI MÜƏYYƏNLƏŞDİRMİŞLƏR

03.07.2004 [15:48]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Britaniyanın Thatcham tədqiqat mərkəzi Audi A3 və A8 markalı avtomobilləri ən qaçırılmaz avtomobillər hesab etmişdir. İyulun 2-də keçirilən mərasimdə onların hər biri öz dərəcəsində ən yaxşı model kimi mükafatlandırılmışdır.

Lakin belə avtomobillər arasında ən yaxşısı Audi A8 sayılmışdır. Bu model qaçırılma əleyhinə vasitələrin tam dəsti ilə təchiz edilmiş və onun yan şüşələri maşınqaçıranların işini xeyli çətinləşdirən laminatla örtülmüşdür.

Avtomobil ən yüksək bala layiq görülmüş və öz seqmentində digər 12 avtomobil modelini arxada qoymuşdur. Audi A8 həm qaçırılmazlığına, həm də açılmazlığına görə 5 ulduz almış, top-menecerlər və daim narahat insanlar üçün ən münasib avtomobil olduğunu sübut etmişdir.

Hetçbek A3 modeli isə hər iki meyara görə “yığcam ailə avtomobili” dərəcəsində ən yaxşı avtomobil hesab olunmuşdur.