Britaniyanın Müdafiə Nazirliyi nüvə başlıqlarını təkmilləşdirmək barədə planlarını açıqlayıb
Bakı, 19 iyul, AZƏRTAC
Böyük Britaniya nüvə silahı daşıyan vasitələrin modernləşdirilməsi ilə yanaşı, nüvə başlıqlarını da yeniləyəcək.
AZƏRTAC xarici KİV-ə istinadla xəbər verir ki, bu barədə Britaniya Silahlı Qüvvələrinin növbəti illər üçün dərc olunmuş planında deyilir.
Sənəddə xatırladılır ki, 2016-cı ildə Böyük Britaniya parlamenti nüvə çəkindirici qüvvələrinin təkmilləşdirilməsinə və “Vanguard” sinifli sualtı qayıqların dörd yeni “Dreadnought” sinifli sualtı qayıqla əvəzlənməsinə səs verib. Bu tipli ilk sualtı qayıq 2030-cu illərin əvvəllərində istismara veriləcək.
Qeyd olunur ki, “Dreadnought” tipli sualtı qayıqların istismarı boyu çəkindirici vasitələrin effektivliyini təmin etmək üçün nüvə başlıqları da dəyişdiriləcək. Ölkədə sualtı qayıqlar və əvəzedici döyüş başlıqları hazırlanır və yaradılır.
Bölmənin digər xəbərləri
