Bu gün UEFA Avropa Liqasının səkkizdəbir final mərhələsinə yekun vurulur

18.03.2021 [10:29]
Çap et
A⁺ A^-

Bakı, 18 mart, Nicat Məmmədov, AZƏRTAC

Martın 18-də UEFA Avropa Liqasının səkkizdəbir final mərhələsinə yekun vurulacaq.

AZƏRTAC xəbər verir ki, mərhələnin ən maraqla gözlənilən görüşü İtaliyada “San Siro” stadionunda oynanılacaq. “Milan” klubu İngiltərədə 1:1 hesablı heç-heçə etdiyi “Mançester Yunayted” ilə üz-üzə gələcək.

İngiltərə təmsilçilərindən “Tottenhem” Xorvatiyada “Dinamo Zaqreb”in qonağı olacaq. “Arsenal” isə Londonda Yunanıstanın “Olimpiakos” komandasını qəbul edəcək.

Gün ərzində dörd oyun saat 21:45-də, digər görüşlər isə 24:00-da baş tutacaq.

Səkkizdəbir final mərhələsinin digər oyunları aşağıdakılardır:

“Molde” (Norveç) - “Qranada” (İspaniya) - ilk oyun - 0:2;

“Dinamo Zaqreb” (Xorvatiya) - “Tottenhem” (İngiltərə) - ilk oyun - 0:2;

“Arsenal” (İngiltərə) - “Olimpiakos” (Yunanıstan) - ilk oyun - 3:1;

“Şaxtyor Donetsk” (Ukrayna) - “Roma” (İtaliya) - ilk oyun - 0:3;

“Qlazqo Reyncers” (Şotlandiya) - “Slaviya Praqa” (Çexiya) - ilk oyun - 1:1;

“Milan” (İtaliya) - “Mançester Yunayted” (İngiltərə) - ilk oyun - 1:1;

“Vilyarreal” (İspaniya) - “Dinamo Kiyev” (Ukrayna) - ilk oyun - 2:0;

“Yanq Boyz” (İsveçrə) - “Ayaks” (Niderland) - ilk oyun - 0:3.