Bu il Birləşmiş Ştatların sutkalıq neft hasilatının 13,6 milyon barel olacağı gözlənilir
Bakı, 14 may, AZƏRTAC
ABŞ-nin gündəlik xam neft istehsalı artır.
AZƏRTAC ABŞ-nin Enerji İnformasiya Administrasiyasının (EIA) məlumatına istinadla xəbər verir ki, ötən hesabat həftəsində Birləşmiş Ştatların neft hasilatı 137 min barel artaraq sutkada orta hesabla 13 milyon 710 min barelə yüksəlib.
Həftə ərzində ABŞ-nin neft idxalı əvvəlki həftəyə görə 424 min barel artaraq sutkalıq 5 milyon 901 min barel, neft ixracı isə əvvəlki həftə ilə müqayisədə 742 min barel artaraq gündəlik 5 milyon 492 min barel təşkil edib.
EIA-nın proqnozuna görə, cari ildə Birləşmiş Ştatların neft hasilatının gündəlik orta hesabla 13 milyon 650 min barel olacağı gözlənilir.
Bölmənin digər xəbərləri
