Bu il Türkiyəni 10 milyona yaxın turist ziyarət edib
İstanbul, 29 sentyabr, AZƏRTAC
Bu ilin səkkiz ayı ərzində Türkiyənin turizm bölgələrini 9 milyon 271 min 660 nəfər ziyarət edib.
AZƏRTAC xəbər verir ki, bu barədə ölkənin Mədəniyyət və Turizm Nazirliyindən bildirilib. Qeyd edilib ki, bu turistlərin 7 milyon 255 min 107 nəfəri xaricdən Türkiyəyə gəlib. Onların arasında Almaniya, Rusiya, Bolqarıstan və Ukrayna vətəndaşları üstünlük təşkil edib.
Məlumatda dünyada yayılan COVID-19 pandemiyasının Türkiyənin turizm sektoruna da təsir göstərdiyi bildirilir. Belə ki, bu ölkəyə gələn xarici vətəndaşların sayı ötən ilin eyni dövrü ilə müqayisədə 73,94 faiz azalıb.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
