“Bura Vətəndir” aksiyası çərçivəsində növbəti tədbir Azərbaycanlıların Soyqırımı Gününə həsr olunacaqdır
Bakı, 29 mart (AZƏRTAC). 2009-cu ilin oktyabrından Şuşa Dövlət Musiqili Dram Teatrının “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyi və “Azersun Holdinq” şirkətlər qrupu ilə birlikdə həyata keçirdiyi “Bura Vətəndir” aksiyası çərçivəsində növbəti tədbir 31 mart-Azərbaycanlıların Soyqırımı Günunə həsr olunacaqdır.
Şuşa Dövlət Musiqili Dram Teatrından AZƏRTAC-a bildirmişlər ki, aksiya çərçivəsində martın 31-də Sumqayıt Dövlət Universitetində keçiriləcək görüşdə erməni vandallarının xalqımızın başına açdıqları dəhşətli müsibətlərdən bəhs edən çıxışlar dinləniləcək, teatrın yaradıcı kollektivinin ifasında Enurə Abdullayevanın “Ağ qayıq” tamaşası təqdim olunacaqdır.
Bölmənin digər xəbərləri
