Burakcan Yılmaz: Bakı Avropa şəhərlərindən də gözəldir
Bakı, 23 iyul, AZƏRTAC
Bakıya ilk dəfədir gəlmişəm. Azərbaycanın paytaxtı Avropa şəhərlərindən də gözəldir.
Bu fikirləri Bakıda keçirilən ikinci beynəlxalq həmrəylik tennis çempionatında iştirak edən Türkiyə millisinin üzvü Burakcan Yılmaz AZƏRTAC-a müsahibəsində deyib.
Çempionatın yüksək səviyyəli təşkilatçılığından məmnunluğunu bildirən qardaş ölkə təmsilçisi deyib: “Burada idmançıların rahatlığı üçün hər cür şərait yaradılıb. Bakıda keçirilən yarışlarda ilk dəfədir çıxış edirəm. Yarışlar gərgin idman mübarizəsi şəraitində keçdiyi üçün çox həyəcanlıyam. Birinci görüşdə tacikistanlı idmançıya qalib gəldim. Daha sonra Azərbaycan təmsilçisi ilə qarşılaşacağam. Rəqiblərimin arasında belaruslu idmançı çox güclüdür. Amma qalib gəlməyə iddialıyam”.
Bölmənin digər xəbərləri
