Cari ildə hər bir ölkə sakini 807,6 manatlıq müxtəlif ödənişli xidmətlərdən faydalanıb
Bakı, 20 dekabr, AZƏRTAC
Cari ilin yanvar-noyabr aylarında əhaliyə göstərilən ödənişli xidmətlərin dəyəri 2021-ci ilin müvafiq dövrü ilə müqayisədə real ifadədə 7,3 faiz artaraq 8 milyard 129,6 milyon manat olub.
Dövlət Statistika Komitəsindən AZƏRTAC-a bildirilib ki, hüquqi şəxslər tərəfindən əhaliyə 6 milyard 192,3 milyon manatlıq xidmət göstərilib. Bu, xidmətlərin ümumi dəyərinin 76,2 faizini təşkil edib. Cari ilin on bir ayında hər bir ölkə sakini orta hesabla 807,6 manatlıq və ya ötən ilin müvafiq dövrü ilə müqayisədə nominal ifadədə 122,3 manat çox müxtəlif ödənişli xidmətlərdən istifadə edib.
Bölmənin digər xəbərləri
