Cavanşir Feyziyev: Xocalı soyqırımının rəsmi dairələrdə tanınmasına nail olacağıq
Paris, 25 fevral, AZƏRTAC
Son günlər Avropa Parlamentində Xocalı soyqırımı ilə bağlı çoxsaylı görüşlər keçirilib. Soyqırımının tarixi, günahsız qurbanları haqqında intensiv məlumatlandırma işi aparılıb.
Bu fikirləri Avropa İttifaqı-Azərbaycan Parlament Əməkdaşlıq Komitəsinin həmsədri Cavanşir Feyziyev AZƏRTAC-a müsahibəsində bildirib.
Deputat qeyd edib ki, Avropa Parlamentinin 60-a yaxın üzvü bəyanat imzalayıb və Xocalı soyqırımı qurbanlarının xatirəsinin yad edilməsi ilə bağlı müraciət imzalayıb. Eyni zamanda, bunun Avropa Parlamenti gündəliyinə salınması, hər il fevralın 26-sının Xocalı soyqırımı qurbanlarının anım günü kimi qeyd olunması təklif edilib. Bu il bizə qoşulan deputatların sayı üç dəfə artıb və əminik ki, qarşıdan gələn ildə daha da artacaq. Beləliklə, Xocalı soyqırımının rəsmi dairələrdə tanınmasına nail olacağıq.
Qeyd edək ki, Xocalı soyqırımı ilə bağlı bəyanatı imzalayan deputatlar Avropa İttifaqına üzv ölkələrin yarısından çoxunu (28 üzv ölkədən 15-ni) və Avropa Parlamentində yer alan 8 siyasi qrupdan 6-sını təmsil edirlər.
Şəhla Ağalarova
AZƏRTAC-ın xüsusi müxbiri
Paris
Bölmənin digər xəbərləri
