Cəlilabadda bir hektar sahədə quru ot və ağac kötükləri yanıb
Bakı, 11 sentyabr, AZƏRTAC
Cəlilabad rayonunun Fətullaqışlaq kəndi yaxınlığında dağlıq və meşəlik ərazidə bir hektar sahədə quru ot və qurumuş ağac kötükləri yanıb.
Fövqəladə Hallar Nazirliyindən (FHN) AZƏRTAC-a bildiriblər ki, meşənin qalan hissəsi yanğından mühafizə olunub. Alov saat 17:20-də söndürülüb.
Qeyd edək ki, mürəkkəb relyefli dağlıq ərazidə aparılan yanğısöndürmə işlərinə FHN-nin Dövlət Yanğından Mühafizə Xidmətinin yanğından mühafizə bölmələri və Ekologiya və Təbii Sərvətlər Nazirliyinin meşə təsərrüfatı idarəsinin əməkdaşları cəlb olunub.
Bölmənin digər xəbərləri
