Cənubi Koreya Türkiyədə dörd atom reaktoru inşa etməyi planlaşdırır
Bakı, 31 yanvar, AZƏRTAC
Koreyanın elektrik enerjisi korporasiyasının (KEPCO) Baş direktoru Çon Son İl Türkiyədə ümumi həcmi 30 milyard dollar dəyərində dörd atom reaktorunun tikilməsi üçün bu ölkənin energetika və təbii sərvətlər naziri Fatih Dönməzə ilkin müraciət edib.
AZƏRTAC Yonhap agentliyinə istinadla xəbər verir ki, Cənubi Koreyanın təqdim etdiyi sənəddə layihənin həyata keçirilməsi ilə bağlı detallı plan yer alıb. Koreyalılar bu il tikintinin texniki-iqtisadi əsaslandırılmasını hazırlamalı və tərəflər müqavilə imzalamalıdır.
KEPCO Türkiyənin şimalında atom elektrik stansiyasının tikilməsinə dair Ankara ilə danışıqlara ötən il başlayıb. Reaktorlar 1400 MVt elektrik enerjisi istehsal edəcək.
Bölmənin digər xəbərləri
