Cənubi Koreyada prezident seçkisi ilə əlaqədar təşviqat dövrü başlayıb
Pekin, 12 may, AZƏRTAC
Cənubi Koreyada iyunun 3-də keçiriləcək prezident seçkisinin təşviqat dövrü başlayıb.
AZƏRTAC xəbər verir ki, Mərkəzi Seçki Komissiyası prezident seçkisində mübarizə üçün 7 nəfərin namizədliyini qeydə alıb. Onlar arasında əsas müxalif qüvvə olan Demokratiya Partiyasının namizədi Li Ce Myun və hakim Xalqın Gücü Partiyasının namizədi Kim Mun Su daha şanslı hesab olunur. Ekspertlər prezident vəzifəsi uğrunda mübarizənin məhz bu iki namizəd arasında gedəcəyini düşünürlər. Sorğuların nəticələri göstərir ki, seçicilərin 52 faizi Li Ce Myuna, 31 faizi Kim Mun Suya etimad göstərir.
Seçkiqabağı təşviqat dövrü 22 gün davam edəcək və iyunun 2-də başa çatacaq.
Qeyd edək ki, Yun Sok Yolun ölkədə qısamüddətli hərbi vəziyyət elanına görə prezident vəzifəsindən uzaqlaşdırlmasından sonra Nazirlər Kabineti iyunun 3-nə prezident seçkisi təyin edib. Yeni seçilmiş prezident seçkilərin nəticələrindən dərhal sonra keçid komandası olmadan səlahiyyətlərinin icrasına başlayacaq.
AZƏRTAC-ın xüsusi müxbiri
Pekin
Bölmənin digər xəbərləri
