Çaylarda daşqın və sellərin olacağı gözlənilir
Bakı, 14 aprel (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti aprel-iyun ayları üçün dağ və transsərhəd çaylardan iri su anbarlarına gələn axımın vəziyyətini təhlil etmişdir.
Nazirlikdən AZƏRTAC-a bildirmişlər ki, Kür çayından Şəmkir su anbarına axımın normanın 105-122, Qanıx çayından Mingəçevir su anbarına 102-130, Araz çayından Araz su anbarına 101-117 faizini təşkil edəcəyi gözlənilir.
Quba-Xaçmaz çaylarında sululuğun normanın 110-122, Balakən-Şəki, Oğuz-Qəbələdə 110-162, Daşkəsən-Gədəbəydə 100-130, Naxçıvan MR çaylarında 90-113, Lənkəran-Astara bölgəsində isə 98-105 faizini təşkil edəcəyi proqnozlaşdırılır.
Temperaturun kəskin yüksəlməsi və dağlıq ərazilərdə qarın əriməsi, eyni zamanda, gözlənilən leysan xarakterli yağışlar çaylarda daşqın və sellərin baş vermə ehtimalını artırır.
Bölmənin digər xəbərləri
