Çaylarda suyun səviyyəsi qalxmışdır
Bakı, 11 yanvar (AZƏRTAC). Ekologiya və Təbii Sərvətlər Nazirliyi çayların sululuğu ilə bağlı apardığı araşdırmanın nəticələrini açıqlanmışdır.
Nazirliyin mətbuat xidmətindən AZƏRTAC-a bildirmişlər ki, araşdırmaya görə, Böyük Qafqazın Quba-Xaçmaz bölgəsi çaylarında sululuq ongünlük normanın 80-200, Kiçik Qafqazın çaylarında 80-150, Lənkəran-Astara bölgəsi çaylarında 30-150, Naxçıvan Muxtar Respublikası çaylarında isə 60 faizini təşkil etmişdir.
Yanvarın 11-də Kür çayının Qıraqkəsəmən məntəqəsində və Qanıx çayının Əyriçay məntəqəsində suyun səviyyəsində artım qeydə alınmışdır.
Son günlərdə Kür çayının aşağı axınında və Araz çayının Novruzlu məntəqəsində əsasən artım müşahidə olunmuşdur.
Hazırda Kür çayının Surra məntəqəsində suyun səviyyəsi 385, Şirvanda 252, Salyanda 314, Bankədə 237, Araz çayının Novruzlu məntəqəsində isə 155 santimetrdir.
Bütün məntəqələrdə suyun səviyyəsinin ötən ilin müvafiq dövrü ilə müqayisədə aşağı olduğu müəyyən edilmişdir.
Bölmənin digər xəbərləri
