ÇƏKİLƏN BORU KƏMƏRLƏRİ HEÇ KİMİN MƏNAFEYİNƏ TOXUNMUR

22.10.2006 [08:29]
Çap et
A⁺ A^-

AZƏRTAC-ın verdiyi xəbərə görə, Azərbaycan Prezidenti İlham Əliyev Qətərin “Əl-Cəzirə” teleyayım korporasiyasına müsahibəsində dünya bazarlarına çıxmaq üçün çəkilən boru kəmərlərinin heç kimə qarşı yönəldilmədiyini vurğulayaraq demişdir ki, biz Aralıq dənizinə çıxmaqla gündə bir milyon barrel neft nəql etmək gücü olan boru kəməri tikdik və o, heç kimə qarşı yönəldilməyib, heç kimin mənafeyinə toxunmur. Birinci dərəcəli məsələ Azərbaycanın mənafeləridir və öz enerji ehtiyatlarımızı hasil etmək, istədiyimiz yerə boru kəmərləri çəkmək hüququmuz var.

Azərbaycanın ərəb dünyası ilə qarşılıqlı münasibətlərə çox böyük əhəmiyyət verdiyini vurğulayan, Ermənistan-Azərbaycan, Dağlıq Qarabağ münaqişəsinin nizama salınması məsələsində Azərbaycanı dəstəkləyən ərəb ölkələrinə minnətdarlıq edən dövlət başçısı qeyd etmişdir ki, Səudiyyə Ərəbistanı kimi ölkənin Ermənistanla heç bir diplomatik münasibəti yoxdur. Onu yalnız buna görə tanımır ki, Ermənistan Azərbaycan ərazisini işğal etmişdir. Bu, qardaşlığın çox yüksək təzahürüdür və bizim üçün çox qiymətlidir.

Prezident İslam dininin terrorizmlə eyniləşdirilməsinin, müsəlmanlar üçün təhqiramiz olan ifadələr işlədilməsinin, həmrəyliyə deyil, əksinə, qarşıdurmaya doğru aparan bəyanatlar verilməsinin və hərəkətlər edilməsinin narahatlıq doğurduğunu söyləmişdir.

ÇƏKİLƏN BORU KƏMƏRLƏRİ HEÇ KİMİN MƏNAFEYİNƏ TOXUNMUR

MÜƏLLİFLƏ ƏLAQƏ

Bölmənin digər xəbərləri