Çempionlar Liqası: “Fənərbağça”nın pley-off mərhələsindəki mümkün rəqibləri müəyyənləşib
Bakı, 4 avqust, AZƏRTAC
UEFA Çempionlar Liqasında pley-off mərhələsinin püşkü atılıb.
AZƏRTAC xəbər verir ki, İsveçrənin Nyon şəhərində keçirilən tədbirdə Türkiyənin “Fənərbağça” komandasının potensial rəqibləri bəlli olub.
İstanbul təmsilçisi III raundda Niderlandın “Feyenoord” klubunu məğlub edəcəyi təqdirdə, pley-off mərhələsində “Benfika” (Portuqaliya) – “Nitsa” (Fransa) cütünün qalibi ilə qarşılaşacaq.
Qeyd edək ki, Çempionlar Liqasında pley-off mərhələsinin ilk oyunları avqustun 19-20-də, cavab matçları isə 26-27-də keçiriləcək.
Bölmənin digər xəbərləri
