Çex arxeoloqları Qazaxıstanda sovet repressiyalarının izlərini araşdırırlar
Praqa, 6 sentyabr, AZƏRTAC
Çex arxeoloqları Qazaxıstanın Tərəkti qəsəbəsində keçmiş Steplaq düşərgəsinin qalıqlarını araşdırırlar.
AZƏRTAC xəbər verir ki, qazıntılar sovet dövrünün repressiya sisteminin tarixinin öyrənilməsi çərçivəsində aparılır. Tədqiqatçılar Qərbi Çexiya Universiteti və “Gulag.cz” təşkilatının əməkdaşları ilə birlikdə düşərgənin keçmiş ərazisində müxtəlif tikili və məişət əşyalarının qalıqlarını sənədləşdirirlər. Steplaq 1948–1956-cı illərdə fəaliyyət göstərib və burada 20 mindən çox məhbus saxlanılıb. Onların əksəriyyəti siyasi maddə ilə məhkum edilmiş şəxslər olub. Məhbuslar arasında ukraynalı və Baltikyanı milli hərəkatların iştirakçıları, keçmiş hərbi əsirlər, həmçinin almanlar, yaponlar, polyaklar, çexlər və slovaklar olub. Araşdırma zamanı düşərgənin rəsmi olaraq 1956-cı ildə ləğv edilməsinə baxmayaraq, ərazidə sonrakı illərə aid izlərə də rast gəlinib. Layihə Qazaxıstanda repressiya tarixinin daha dərindən öyrənilməsinə imkan yaradır.
Bölmənin digər xəbərləri
