ELM VƏ TƏHSİL
ÇEXİYA UNİVERSİTETLƏRİNƏ QƏBUL ÜÇÜN KURS TƏŞKİL OLUNUR
Bakı Təhsil-İnformasiya Mərkəzində Praqanın Karlov Universitetinin nümayəndəsi Riçard Smeyklın “Çexiya universitetlərinə qəbul üçün hazırlıq kurslarının təşkili proqramı” ( UniPrep) ilə əlaqədar görüşü olmuşdur.
Mərkəzdən AZƏRTAC-ın müxbirinə bildirmişlər ki, bu proqram əsasında ölkəmizlə ilk dəfədir əməkdaşlıq əlaqələri qurulur. Proqramın rəhbəri R.Smeykl çıxışında keçiriləcək bir illik hazırlıqdan sonra Çexiya universitetlərinə müxtəlif ixtisaslar üzrə qəbul üçün tələb olunan bəzi şərtləri açıqlamışdır. Kurslarda çex, ingilis və alman dilinin daha önəmli olduğu bildirilmişdir.
Xatırladaq ki, Bakı Təhsil-İnformasiya Mərkəzi bu tipli proqramlar əsasında artıq ABŞ, Macarıstan, İngiltərə, Almaniya universitetləri ilə əlaqələr qurub və çoxsaylı tələbələrin orada təhsil almalarına nail olmuşdur.