Çexiyada 20 Yanvar faciəsi ilə bağlı “dəyirmi masa” təşkil edilib
Bakı, 26 yanvar, AZƏRTAC
Azərbaycanın Çexiyadakı səfirliyində 20 Yanvar faciəsinin ildönümü ilə əlaqədar “dəyirmi masa” təşkil edilib.
Azərbaycanın Çexiyadakı səfirliyindən AZƏRTAC-a bildiriblər ki, tədbirdə Çexiyada akkreditə olunmuş diplomatik korpusun nümayəndələri, Çexiya rəsmi qurumlarının və ictimaiyyətinin təmsilçiləri iştirak ediblər.
Tədbirdə çıxış edən səfir Fərid Şəfiyev 20 Yanvar faciəsi haqqında məlumat verib, sovet qoşunlarının Bakıda törətdiyi qətliamdan bəhs edib. Səfir bu faciənin Azərbaycan xalqının iradəsini qıra bilmədiyini qeyd edib və ölkəmizdə faciə qurbanlarının əziz xatirəsinin hər il böyük ehtiramla yad olunduğunu diqqətə çatdırıb.
Bölmənin digər xəbərləri
